ឯកជន​ស្នើ​ឲ្យ​ធ្វើ​វិសោធនកម្ម​ច្បាប់​សារពើពន្ធ

 

ភ្នំពេញៈ វិស័យ​ឯកជន​បាន​ស្នើ​ឲ្យ​រាជ​រដ្ឋាភិបាល​ធ្វើ​វិសោធនកម្ម​ច្បាប់​សារពើពន្ធ​ដ៏​ចំណាស់​របស់​កម្ពុជា​ដើម្បី​ដើរ​ឲ្យ​ទាន់​សភាព​ការណ៍​ដែល​ពួក​គេ​ជឿ​ថា​នឹង​ជួយ​ការ​វិនិយោគ​នៅ​កម្ពុជា​កាន់​តែ​មាន​ភាព​ប្រកួត​ប្រជែង​មុន​នឹង​សហគមន៍​សេដ្ឋកិច្ច​អាស៊ាន​ឈាន​មក​ដល់​នៅ​ឆ្នាំ ២០១៥។

ការ​លើក​ឡើង​នេះ​បាន​ធ្វើ​ឡើង​ក្នុង​ជំនួប​ដ៏​កម្រ​មួយ​កាល​ពី​ថ្ងៃ​ម្សិលមិញ ដែល​មាន​អ្នក​ជំនួញ​ជាង ១០០ នាក់​មក​ពី​វិស័យ​ឯកជន​ដឹក​នាំ​ដោយ​លោក គិត ម៉េង ប្រធាន​សភា​ពាណិជ្ជកម្ម​កម្ពុជា​ជាមួយ​លោក គង់ វិបុល អគ្គ​នាយក​នៃ​អគ្គ​នាយកដ្ឋាន​ពន្ធដារ។

លោក គិត ម៉េង បាន​ហៅ​ច្បាប់​ស្តី​ពី​សារពើពន្ធ​នោះ​ថា បាន​អនុម័ត​ជាង ១០ ឆ្នាំ​កន្លង​មក​នៅ​កម្ពុជា ហើយ​វា​មិន​ស៊ី​គ្នា​ទៅ​នឹង​ស្ថានភាព​សេដ្ឋកិច្ច​បច្ចុប្បន្ន​នេះ​ទេ។

លោក​ថ្លែង​ថា៖ «សូម​ឲ្យ​ខ្ញុំ​ប្រាប់​ឯកឧត្តម​ថា ច្បាប់​នេះ​បាន​បង្កើត​ឡើង ១៥ ឆ្នាំ​កន្លង​មក​ហើយ​តាម​ដែល​ខ្ញុំ​ដឹង ហើយ​ច្បាប់​នេះ​ធ្វើ​ឡើង​តម្រូវ​ទៅ​នឹង​ស្ថានភាព​ពេល​នោះ​។ តែ​នេះ គឺ​ឆ្នាំ ២០១៣ យើង​នៅ​តែ​ប្រើ​ច្បាប់​នេះ​ដើម្បី​អនុវត្ត​ដដែលៗ!»។ លោក​បន្ត​ថា រយៈ​ពេល​នៅ​សល់​តែ​មួយ​ឆ្នាំ​កន្លះ​ទៀត​ប៉ុណ្ណោះ កម្ពុជា​កំពុង​ត្រៀម​ខ្លួន​ឈាន​ជើង​ចូល​ក្នុង​សហគមន៍​សេដ្ឋកិច្ច អាស៊ាន ដូច​នេះ អ្នក​វិនិយោគ​ត្រូវ​ការ​ធ្វើ​អ្វី​គ្រប់​យ៉ាង​ដើម្បី​ឲ្យ​មាន​ភាព​ប្រកួត​ប្រជែង​ដោយ​ធ្វើ​ឲ្យ​តម្លៃ​ប្រតិបត្តិការ​ចុះ​ថោក។

សភា ពាណិជ្ជកម្ម​កម្ពុជា​ក៏​បាន​ស្នើ​ឲ្យ​បន្ទាប​អាករ​លើ​តម្លៃ​បន្ថែម (VAT) ពី ១០ ភាគរយ មក​នៅ​ត្រឹម ៧ ភាគរយ​ដូច​នៅ​ប្រទេស​សមាជិក​អាស៊ាន​ផ្សេង​ទៀត​មាន​ថៃ​ជាដើម។

រដ្ឋសភា​កម្ពុជា​បាន​អនុម័ត​ច្បាប់​ស្តី​ពី​សារពើពន្ធ​កាល​ពី ១៩៩៧ ។ តែ លោក គង់ វិបុល លើក​ឡើង​ថា ច្បាប់​នេះ​ត្រូវ​បាន​ធ្វើ​វិសោធនកម្ម​ម្តង​នៅ​ឆ្នាំ ២០០៣។

ប៉ុន្តែ លោក​ថ្លែង​ថា នឹង​លើក​គំនិត​នេះ​ឡើង​ទៅ​មន្រ្តី​ថ្នាក់​ខ្ពស់​ដើម្បី​ធ្វើ​ការ​សម្រេច​ចិត្ត​ក្នុង​ការ​ធ្វើ​កំណែ​ទម្រង់​។​លោក​បន្ត​ថា៖ «ខ្ញុំ​នឹង​យក​សំណើ​នេះ​ជូន​ទៅ​ថ្នាក់​លើ​ដែល​សហគមន៍​ពាណិជ្ជកម្ម​បាន​ស្នើ​ឡើង​ក្នុង​ពេល​នេះ»។

VAT ជា​ពន្ធ​ដែល​អតិថិជន​បង់​ទៅ​ឲ្យ​រដ្ឋាភិបាល​តាម​រយៈ​ការ​ប្រើ​ប្រាស់ ឬ​ទទួល​សេវា​ពី​ក្រុមហ៊ុន។

លោក គង់ វិបុល បាន​លើក​ឡើង​ថា រដ្ឋាភិបាល​ចាំ​បាច់​ត្រូវ​ប្រមូល​ពន្ធ​ឲ្យ​មាន​ប្រសិទ្ធភាព​ពឹង​លើ​កំណើន​សេដ្ឋកិច្ច ដូច្នេះ​វា​អាច​មាន​ការ​ពិបាក​ក្នុង​ការ​បញ្ចុះ​ឲ្យ​ទាប​ក្នុង​អំឡុង​កំណើន​សេដ្ឋកិច្ច​កម្ពុជា។

ទោះ​បី​យ៉ាង​នេះ​ក្តី លោក គិត ម៉េង បាន​លើក​ឧទាហរណ៍​នៅ ហុងកុង ដែល​រដ្ឋាភិបាល​យក​ពន្ធ​តិច តែ​ការ​ប្រមូល​ពន្ធ​មាន​ប្រសិទ្ធភាព។ លោក​បន្ត​ថា៖ «ពេល​យក​ពន្ធ​តិច [រាជ​រដ្ឋាភិបាល] ប្រមូល​បាន​ច្រើន​តែ​បើ​យក​ពន្ធ​ច្រើន [ឈ្មួញ] គេច​មិន​បង់​ពន្ធ​ច្រើន»៕ ប្រភពចេញពី Postkhmer.com

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: