ស្នងការ​ខេត្តបន្ទាយមានជ័យ ដឹកនាំ​កម្លាំង​នគរបាល ចុះជួយ​ច្រូតស្រូវ ប្រឈម​ទឹកជំនន់​

ប្រភព CEN : ខេត្តបន្ទាយមានជ័យ​: ​ស្នងការ ស្នងការរង​ខេត្ត​បន្ទាយ​មន​ជ័យ ដឹកនាំ​កម្លាំង​វរៈ​ការពារ​ព្រំដែន​៨៩១ និង​៩១១ និង​កម្លាំង​អធិការ​ស្រុក​អូរជ្រៅ ចំនួន ៣០០ នាក់ កាលពី​ថ្ងៃទី​២២ ខែសីហា ឆ្នាំ​២០១៣ ចុះជួយ​ច្រូតស្រូវ​បង្កើន​រដូវ​របស់​កសិក​រ ដែល​ប្រឈម​នឹង​ទឹកជំនន់​លិច​។​

 

 

មន្ទីរ​កសិកម្ម​ខេត្តបន្ទាយមានជ័យ អះអាងថា ផលប៉ះពាល់ និង​ខូចខាត​ស្រូវ​ពី​ទឹកជំនន់ មកទល់​ឥឡូវនេះ បាន​ថយចុះ ព្រោះ​ទឹកជំនន់​បាន​ស្រក​ពីលើ​ផ្នែក​ខាង​ប្រទេស​ថៃ​។​

​    ​

​លោក ខេង ស៊ុម ស្នងការ​នគរបាល មានប្រសាសន៍​ថ្ងៃទី​២២ សីហា​ថា ចូលរួម​ដឹកនាំ​កម្លាំង​វរៈ​ការពារ​ព្រំដែន​ចំនួន​២ និង​អធិការ​មួយក្រុម ចុះជួយ​ច្រូតស្រូវ​បង្កើន​រដូវ (​ស្រូវប្រាំង​) របស់​កសិករ​នៅ​ឃុំ​សំរោង ស្រុក​អូរជ្រៅ ខេត្តបន្ទាយមានជ័យ ការ​ច្រូត​អាច​កើន ៧ ហិច​តា​ទៀត​។​

 

កសិករ​ម្ចាស់​ស្រែ​ម្នាក់ ដែល​ត្រូវបាន​អន្តរាគមន៍​ជួយ​ច្រូតស្រូវ អោយដឹងថា ពួកខ្លួន​បង្កើន​ផ្ទៃដី​ធ្វើ​ស្រូវ​បង្កើន​រដូវ (​ស្រូវប្រាំង​) ពូជ​សែន​ពិដោរ​, ពូជ ៨៥, ពូជ​អ៊ុយ​បុ​ង​… លើ​ស្រែ ព្រោះ​មាន​មហិច្ឆតា​ចង់បាន​ផល​បង្កើន​ជីវភាព ប៉ុន្តែ​បែរជា​ជួបនឹង​គ្រោះទឹកជំនន់​។ តែ​ពេលនេះ ពួកខ្លួន​និង​កសិករ​ខ្លះទៀត អរគុណ​ដល់ កម្លាំង​ប៉ូលិស​ទាំងអស់ ដែល​បាន​ចុះជួយ​ច្រូត​សង្គ្រោះ​ស្រូវ ត្រូវ​ទឹកជំនន់​ទឹកភ្លៀង​លិចលង់​ជ្រៅ​។ នេះ​បង្ហាញ​នូវ​មនោសញ្ចេតនា​ផ្សារភ្ជាប់​សុខទុក្ខ ជីវភាព​ប្រជាជន ដូចដែល​សម្ដេច​តេ​ជោ​ហ៊ុន សែន នាយករដ្ឋមន្ត្រី បានធ្វើ និង​បាន​ណែនាំ​មន្ត្រី​សម្ដេច​អោយធ្វើ​។ ប៉ុន្តែ​ទឹកជំនន់​នៅ​បន្ត​លិច​ចំណុច​ខ្លះ ក្នុង​ក្រុង​សី​រី​សោភ័ណ និង​មង្គល​បូរី ប៉ះពាល់​ដល់​ដំណាំ​ស្រូវ​និង ដំណាំ​រួមផ្សំ​ផ្សេងទៀត​។​

 

ចំណែក​ប្រធាន​សមាគម​ស្រែប្រាំង​កម្ពុជា សាខា​ខេត្តបន្ទាយមានជ័យ និយាយថា កង្វល់​កសិករ​ធ្វើស្រែ​ប្រាំង (​ស្រូវ​បង្កើន​រដូវ​) នេះ ធំ​ជាង​ទឹកជំនន់​លិច គឺ​ស្រូវ​សើម​គ្មាន​ទីផ្សារ និង​តម្លៃ​យ៉ាង​ថោក​។ សមាគម​ទទួល​នូវ​ការអំពាវនាវ​ពី​អាជ្ញាធរខេត្ត និង​ជំនាញ អោយជួយ​ទម្លាក់​ទុនទិញ​ស្រូវប្រាំង​កសិករ ទៅ​ស្តុក​ទុក​ក្នុង​ឃ្លាំង​៕​

 

 

 

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: