ចំណូល​កាស៊ីណូ​នៅ​កម្ពុជា​បន្ត​ធ្លាក់​ចុះ

ប្រភព៖ postkhmer

ភ្នំពេញៈ ក្រុមហ៊ុន Entertainment Gaming Asia Inc ដែល​បើក​ដំណើរការ​កាស៊ីណូ​នៅ ប៉ោយប៉ែត និង ប៉ៃលិន ព្រម ទាំង​ការ​ផ្គត់​ផ្គង់​ម៉ាស៊ីន​លេង​ហ្គេម​ស្លុត​ឲ្យ​កាស៊ីណូ ណាហ្គាវើល បាន​រាយការណ៍​ពី​ការ​ខាត​បង់ ៣០៩ ០០០ ដុល្លារ​នៅ​ត្រី​មាស​ទីបី​ដោយ​សារ​តែ​ការ​ជាប់​គាំង​នយោបាយ។ នេះ​បើ​យោង​តាម​សេចក្តី​ប្រកាស​របស់​ក្រុមហ៊ុន​ដែល​ចុះ​បញ្ជី​ក្នុង​ផ្សារ​ ហ៊ុន NASDAQ ពី​ថ្ងៃ ទី៥ វិច្ឆិកា។

បើ​ធៀប​រយៈ​ពេល​ដូច​គ្នា​កាល​ពី​ឆ្នាំ​ទៅ​ការ​ខាត​បង់​មាន​ចំនួន ១០៣ ០០០ ដុល្លារ ដែល​នេះ​ត្រូវ​បាន​គេ​អះអាង​ថា ដោយ​សារ​តែ​ភាព​តាន​តឹង​ផ្នែក​នយោបាយ​ក្រោយ​ការ​បោះឆ្នោត។

លោក Clarence Chung ប្រធាន និង​ជា​អគ្គ​នាយក​ក្រុមហ៊ុន Entertainment Gaming Asia និយាយ​ថា៖ «នៅ ណាហ្គាវើល យើង​បាន​សង្កេត​ឃើញ​កម្រិត​អ្នក​លេង​ល្បែង​កាន់​តែ​ចុះ​ទាប​ដោយ​សារ​ ព្រឹត្តិការណ៍​ទាក់ទង​ជាមួយ​នឹង​ការ​បោះឆ្នោត​កាល​ពី​ខែ កក្កដា ឆ្នាំ ២០១៣»។

គណបក្ស​ប្រឆាំង​បន្ត​ធ្វើ​ពហិការ​ចូល​រួម​សភា​ដោយ​អះអាង​ថា មាន​ភាព​មិន​ប្រក្រតី​យ៉ាង​ខ្លាំង​ក្នុង​ការ​បោះឆ្នោត​ពី​ខែ កក្កដា ហើយ​នៅ​តែ​បន្ត​ការ​ទាមទារ​ឲ្យ​រក​យុត្តិធម៌​ជូន​ម្ចាស់​ឆ្នោត។

កាស៊ីណូ ណាហ្គា វើល បាន​បដិសេធ​ធ្វើ​អត្ថាធិប្បាយ កាល​ពី​ម្សិលមិញ​ស្ដីពី​ការ​ធ្លាក់​ចុះ​ចំនួន​អ្នក​លេង​ល្បែង​នៅ​ត្រីមាស​ទី​បី។

ប៉ុន្តែ​លោក Michael Ting អ្នក​វិភាគ​ការ​លេង​ល្បែង CIMB បាន​និយាយ​ថា នៅ​ត្រី​មាស​ទី​បី​អ្នក​លេង​ល្បែង​មាន​ការ​ធ្លាក់​ចុះ​បន្តិច សម្រាប់ ណាហ្គា ហើយ​អាច​បណ្ដាល​មក​ពី​ភាព​តាន​តឹង​នៅ​ក្រោយ​ពេល​បោះឆ្នោត។

អាជីវកម្ម​នៅ​កម្ពុជា​ក្រោយ​ការ​បោះឆ្នោត​ហាក់​នៅ​ទ្រឹង ហើយ​ទំនុក​ចិត្ត​អាជីវកម្ម​ក្នុង​អំឡុង​ពេល​នេះ​ក៏​ធ្លាក់​ចុះ​ផង​ដែរ។

ប្រាក់​បញ្ញើ​នៅ​ធនាគារ អេស៊ីលីដា ដែល​ជា​ធនាគារ​ពាណិជ្ជ​ឈាន​មុខ​គេ​របស់​កម្ពុជា​ក្នុង​ត្រី​មាស ទី៣ បាន​ធ្លាក់​ចុះ​ជិត ២០០ លាន​ដុល្លារ​ដោយសារ​អតិថិជន​ភ័យ​ខ្លាច​ចំពោះ​សន្តិសុខ​ប្រាក់​សន្សំ​របស់​ ពួក​គេ៕ PB

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: